Tulluussakkamik ingerlariusissamut isumassarsiaq

Pisortatut Ilisimatusarfimmi suliffeqarfinnut tulluussakkamik ingerlariusissanik neqerooruteqarpugut

Ukiut qulikkuutaat marluk sinnerlugit ingerlanerini Pisortatut Ilisimatusarfik Kalaallit Nunaata avannaanniit kujataanut piginnaasanik ineriartortitsinermik suliaqarsimavoq, taamaattumillu Kalaallit Nunaanni suliffeqarfiit unamminartissinnaasaat assigiinngitsut aallaavigalugit ingerlariusissanik tulluussaanissamut ilisimaarinnilluarluni.

Suliffeqarfiit sulisorisatilluunniit ulluinnarni sulinermi sakkussanik aammalu isummanik atorsinnaasaminnik amigaateqarpata, taamatulluunniit suleqatigiikkuutaatut suleqatigiinnerup ataqatigiinnerullu pitsanngorsarnissaa anguniarlugu pikkorissarnissamik kissaateqartoqarpat, imaluunniit immikkut ilisserpiaq ajornartorsiutisi aallaavigalugit tulluussakkamik aqutsisutut ingerlariusissamik pisariaqartitsissagussi ilissinnut tulluussakkamik ingerlariusissamik aalajangersaanissatsinnut piareersimavugut.

Ilinniartitsisorisatta piukkunnassuseq aammalu piginnaassuseq qaffasissoq atorlugu ilinniartitsisinnaanissaat uatsinni pingaaruteqarluinnartutut aallutaraarput. Taamaattumik ilinniartitsisutut ingerlatsisutta piukkunnaatit aammalu piginnaasat eqqortut pigereernerat tamatigut qulakkeertuartarparput, kiisalu minnerunngitsumik Kallaallit Nunaanni piorsarsimassutsimut tunngasumik, pingaartumillu Kalaallit Nunaaanni unamminartissinnaasat suunerinik ilisimaarinnilluarnerat qulakkeertuartarlutigu.

Pisortatut Ilisimatusarfimmi ilinniartitsisunut kalaallisut aammalu qallunaatut oqaaseqartunut ilinniartitsisut maleruagassaannik peqarpugut, qaqugukkulluunniit aallaavigisinnaasakkatsinnik.

Ilaatigut sammisat ataani taakkartorneqartut piginnaasanik ineriartortitsissutigisarpagut.:

  • Suleqatigiittut nukittorsarneq
  • Pilersaarusiorneq eqinnaatsuusoq
  • Aaqqiagiinngissutinik aaqqiisinnaaneq
  • Attaveqaqatigiinnermi pikkorissaanerit
  • Tuniniaanermi sungiusarnerit
  • Kiffartuussinermi pikkorissaanerit
  • Aqutsisutut ineriartorneq
  • Sulisutut ineriartorneq
  • Suliffeqarfimmi anguniagaqarnermi ineriartortitsineq
  • Anguniagaqarnermi sulineq
  • Aqutsisunut aammalu sulisunut ulaperulunnginnissamut aaqqiisinnaaneq
  • Kalaallit Nunaanni piorsarsimassutsikkut paasisimasaqarneq
  • Inuttut ataasiakkaatut ineriartornermi pikkorissaanerit
  • Office 365-mi pikkorissarneq (tamarmik neqeroorutigisinnaavagut)
  • Suliniuteqarnermi aqutsineq
  • Aallarsaanissamut pikkorissaanerit
  • Train the Trainer ingerlariuseq

Qulaani neqeroorutitut taakkartorneqartut tulluussakkamik ingerlariusissamut soorunami pituttorsimanngillat. Allatigut pisariaqartitaqarussi sianerfiginissatsinnut imaluunniit allaffiginissatsinnut tamatigut tikilluaqqusaavusi tlf. 382590 imaluunniit email kursus@ninuuk.gl aqqutigalugu, tassanngaanniillu pisariaqartitassi naaperiutigisinnaajuarnissaannut ikiorluartuarusullusi.

Nuummi ataatsimiiffigisinnaasassinnik imaluunniit pikkorissarfigisinnaasassinnik allaffeqarlutalu ataatsimiittarfeqarpugut, aammattaarlu ilinniartitsisut pikkorissaasullu Kalaallit Nunaat tamakkerlugu sinerissami illoqarfinnut aammalu nunaqarfinnut ornigullutik ingerlatsisinnaanerat misilittagaqarfigilluarlutigu.