AMA sunaana?
AMA-mut – ArbejdsMarkedsAfgift – (suliffeqarfiit akiliutaat) – aningaasaliissutit sulisitsisuniit – AMA-mik pissarsiarisarpaat, taakkualu suliffeqarfiit sulisunut ilinniagaqarsimanngitsunut, ilinniagaqarsimasunut, suliffissarsiortunullu aalajangiussaanikut aningaasaliissutit ilinniagaqartinnissaannut ilinniaqqinnissanullu atortarpaat.
Pikkorissarnernut ilinniagaqaqqinnernullu AMA-mit tapiiffigineqassagaanni 18-inik ukioqalereersimasariaqarput, Kalaallillu Nunaanni najugaqartussaallutik, kiisalu inuussutissarsiutigalugu sivikitsumik ilinniagaqareersimasussaallutik. Aammattaaq ilaasussat ilinniagarisamut piumasaqaatit aalajangersimasut pikkorissarnermullu naleqquttut naammassisimasussaallugit.
Malugiuk!
AMA-mit aningaasaliissutaasut taamaallaat angalanermut- pikkorissarnerullu nalaani imaluunniit pikkorissarfissamukarnerup pikkorissarfimmiillu uternerup nalaani uninngagallarnermi atugassaallutik. Kiisalu pikkorissarnerup/ilinniaqqinnerullu nalaani nerisaqarnermut tapiiffigineqarnissamut.
Suliffeqarfiup nammineq pikkorissartup/ilinniaqqittup ullormusiaqarnissaa isumagisussaavaa. Ullormusiat piumasaqaatit atuuttut malillugit naatsorsorneqartarput, taamaallaat AMA-p tapiissutaanik pikkorissarnerup nalaani nerisaqarneq hotel-imilu najugaqarneq akilerneqartassapput.
Peqataaniarluni nalunaarnermi akiliut AMA-mit tapiiffigineqarneq ajorpoq.
AMA-p tapiissutaanik akiliunneqarluni pikkorissaqataaneq pinngitsoorani aggertuaannarnermik piumasaqarpoq. Pikkorissarnermi/ilinniagaqaqqinnermi peqataanngikkaanni tapiissutaarutsinneqartarpoq, aningaasartuutillu sulisitsisumut akiligassanngortinneqartarput.
Angalanermut aningaasartuutit piumasaqaatigaat angalaneq sapinngisamik pikkorissarnissap aallartinnissaanut naammassinissaanullu piffissamut naleqqussarneqassasoq, soorunami angallannermi periarfissat apeqqutaatillugit.
Sulisitsisuppit qinnuteqaatit immersussavaa pikkorissarnissamut tapiiffigineqarnissat pillugu taannalu Pisortatut Ilisimatusarfimmut nassiullugu.
Qinnuteqartoq suliffissarsiortuuppat taava kommuunip qinnuteqaat immersussavaa suliassamut pilersaarusiaq ilanngullugu, taannalu Pisortatut Ilisimatusarfimmut nassiullugu.
Inunnut tamanut angalanermut ineqarnermullu akiliunneqartartunut (AMA-p aningaasaataanit) malugeqqussavarput, Pisortatut Ilisimatusarfimmiit makku piumasarineqarmata:
1. Billitsi
Billitsimik aappaluttumik inniminniisoqassaaq, billitsilli aappaluttut nungussimappata, billitsinik allanngortinneqarsinnaasunik inniminniissaagut. Billitsit aappaluttut allanngortinneqarsinnaanngimmata utertinneqarsinnaanatillu, billitsip inniminnernerata kingornatigut angalasussaq nal. Ak. 24-t qaangiutsinnagit angallassinermut sullissivimmiit akuersinersoq aperineqartarpoq.
2. Uninnganeq
Pisortatut ilisimatusarfimmiit angalanissamut pilersaarut piniariarutsigu, akunnittarfimmi aalajangersimanngitsumi, Umiartortut Angerlarsimaffianni assigisaanniluunniit inimik inniminniisoqartarpoq. Ini Pisortatut Ilisimatusarfiup inniminnigaa tikinninniit ulloq aallarfissat tikillugu inigissavat.
Pisortatut Ilisimatusarfimmiit ini ullaakkorsiutit ilanngullugit ineqarfiusussaq inniminnerneqarsinnaavoq, kisianni imaassinnaavoq aamma ullaakkorsiutitaqanngitsumik inniminniisoqartoq. Ineqarneq ullaakkorsiornermik ilaqanngippat sulisitsisuit ullaakkorsiutitalinnik ullormusiassaqartissavaatit.
Akunnittarfimmi, Umiartortut Angerlarsimaffianni assigisaannilu ineqarnerpit nalaani inigisat naammaginngissagaluarukku, taanna pillugu sulisunut saaffiginninnissat nammineq akisussaaffigaat. Kisianni soorunami uatsinnut allakkatigut naammagittaalliummik nassitsisinnaavutit. Taava imaassinnaavoq Pisortatut Ilisimatusarfimmiit ineqarfinni allani assigisaanniluunniit inniminniisoqartariaqassasoq, akunnittarfiit Umiartortullu Angerlarsimaffii ulikkaarsimappata.